AUDICIÓN E LINGUAXE

Materiais para as familias : xogo do son "z"

2012-02-27T08:06:00.000-08:00

Traio un xogo co que podedes practicar c@s vos@s fill@s o son "z" "ce" "ci". Non tedes máis que gardar a imaxe, imprimila e recomendo plastificala para que teña máis consistencia. O xogo é ben sinxelo : hai que pronunciar o nome das imaxes segundo vaiamos caendo nas casillas. Hai un cangrexo que nos fai retroceder e un saltamontes que nos axuda a avanzar. Gaña o primeir@ chegue á meta.

¡¡A xogar!!

Palabras:

cebra
ambulancia
calabaza
zapatos
calcetines
cangrejo : retrocede 3 casillas
cebolla
cepillo
cerezas
chorizos
ciempiés
ciervo
saltamontes : adelanta 2 casillas
círculo azul
cisne
cocinero
erizo
lazo
maceta
pecera
pincel
taza
cangrejo : retrocede 3 casillas
manzana
zapatillas
zumo
bicicleta
piscina

Xogo para practicar a pronuncia do "R"

2012-02-24T11:22:00.000-08:00

Con este xogo practicamos a pronuncia de palabras co son "R".

Primeiro coloreamos os debuxos:

Despois plastificámolo :

E finalmente ¡ xa estamos list@s para xogar !

¡¡Tempo de Entroido!!

2012-02-15T10:22:00.000-08:00

Coordinado co traballo sobre o Entroido que se está a realizar nas aulas, nas sesións de estimulación da linguaxe falamos do vocabulario referente a estas datas e debuxámolo. Aprendemos como se fan as filloas ¡nunha filloeira! Esta filloeira ten ademáis moita historia porque ¡ten case 100 anos e nela fixeron filloas 4 xeracións! Contámoslle aos compañeir@s que é o que máis nos gusta do Entroido e por que. En definitiva, estamos xa preparándonos para a festa máis divertida do ano.

Xogando aos contrarios

2012-02-10T12:41:00.000-08:00

Conciencia fonolóxica : o son "p"

2012-02-05T07:55:00.000-08:00

Buscamos o son "p" nunha serie de imaxes : ¿estará no seu nome? ¿irá ao comezo ou soará polo medio da palabra? Temos que escoitar atentamente, repetir a palabra, vivenciar a súa articulación e pensar se o son que procuramos está nas palabras. Ao final, atopámolas todas todiñas e non se nos escapou nengunha!

Definicións da PAZ

2012-01-29T13:03:00.000-08:00

Ilustración de Janet Broxon

A ver se atopamos resposta a esta pregunta tan importante :

¿ Que é a PAZ ?

Creo que agora xa nos queda claro o que é a PAZ, eles, desde logo si que o saben ben!

Falando da Paz

2012-01-28T11:30:00.000-08:00

Estes días estivemos a falar da Paz, do que significa e do importante que é. A comemoración do Día da Paz é unha das celebracións máis fermosas xa que fomenta uns valores fundamentais para a convivencia. Ainda que a paz, a cooperación, o respecto ou a tolerancia son termos que poden resultar "complicados" para entender por nen@s pequenos, ben explicados, cunha definición axeitada á súa idade chegan comprendelos perfectamente.

Tamén fixemos unhas pombas da paz cheas cos nosos nomes en corazóns de cores.

Un contiño moi bonito titulado "Mellor falar que pelexar" serviu como punto de partida para interesantes conversas sobre a importancia de solucionar os problemas falando.

Exercicios coa lingua

2012-01-23T09:09:00.000-08:00

Nada mellor para practicar a pronuncia que facer exercicios coa lingua, si ademáis os facemos ao son dunha canción moi divertida, ¡pasámolo así de ben!

Un conto titulado "O valor da amizade" animounos a falar do importantes que son os/as amigos/as, todo o que compartimos con eles e a grande axuda que nos prestan cando a necesitamos.

Chegou o inverno

2012-01-11T13:29:00.000-08:00

A volta das vacacións de Nadal veu acompañada de temperaturas moi baixas e xeadas que nos fan ir moi abrigadiñ@s. Nestes días estamos a falar do inverno, das prendas de roupa que nos axudan a escorrentar o frío, do tempo e das características propias desta estación. É unha ledicia ver coma os nosos peques máis peques van collendo xa unha autonomía á hora de vestirse sós. Uns axudantes moi dispostos amosáronnos toda a roupa de abrigo que trouxeron e incluso fixeron ¡unha demostración práctica!
Traballamos unha leria sobre o inverno, pero ainda temos que repasala un pouquiño máis. Deixámosvos unhas imaxes do traballo que estamos a facer, dando a benvida ao 2012 cos termómetros tiritando (estamos no tempo ¿non?) e moitas ilusións e forzas renovadas para este segundo trimestre.

¡¡Felices festas!!

2011-12-22T08:02:00.000-08:00

O mellor xeito de desexar unhas Felices Festas é coas imaxes d@s verdadeir@s protagonistas destas datas, os nenos e nenas do CRA de Bergondo.

¡¡Bo Nadal e Feliz Aninovo!!

Unhas boliñas de nadal moi divertidas

2011-12-14T13:22:00.000-08:00

Así é...por tódalas escolas xa se respira un airiño moi navideño : as aulas énchense cos debuxos e os adornos feitos pol@s nen@s, as panxoliñas animan e atopamos árbores de nadal moi fermosas cheas de boliñas de cores. Pois nas sesións de estimulación da linguaxe, practicamos as praxias cunhas bolas navideñas moi divertidas que despois coloreamos e puxemos nas clases. Pasámolo moi ben e quedáronnos ben bonitiñas, vede...vede...

Aquí están as boliñas por se queredes practicar un pouco na casa. E lembrade...non se pode facer trampiña coa man, é a lingua ela soa, a que ten que facer toooodos eses exercicios!

Conversas coas que aprendemos

2011-12-12T06:20:00.000-08:00

Falamos das cousas que están ben e das que non o están tanto. Chegamos a conclusións interesantes acerca de por que temos normas e por que é necesario cumplilas.

Falamos do que pasaría se non as tivésemos e lembramos as das nosas aulas. Conversando aprendemos moito e imos mellorando día a día a nosa capacidade comunicativa.

Falando das nosas emocións

2011-12-08T10:59:00.000-08:00

Os contos de educación emocional tratan diferentes vivencias emocionais : o medo, os celos, a vergoña, o enfado... Estes contos axudan ao desenvolvemento de competencias e habilidades necesarias para un bo desenrolo persoal.

Estes son os contos que traballamos neste primeiro trimestre :

A escuridade ainda nos da un pouquiño de medo, pero a porta un chisco aberta e as lámpadas acesas fannos máis valentes. Danos algo de vergoña falar con xente que coñecemos pouco e tamén achegarnos aos Reis Magos ou a Papa Noel para pedirlle os regalos... Xa non temos rabietas (bueeeno, ás veces algunha si, recoñecen algúns con sinceridade) e enfádanos que nos quiten os xoguetes. O que máis alegres nos pon é xogar cos nosos amigos e que os papás e mamás nos leven ao parque. E o máis importante, estamos a aprender que falando das nosas emocións e de como nos sentimos medramos emocionalmente cada día un pouquiño máis.

Sencarie : programa de saúde bucodental

2011-12-06T13:49:00.000-08:00

SENCARIE é un programa de saúde bucodental da Xunta de Galicia destinado á comunidade educativa. Nesta aplicación multimedia con xogos educativos @s nen@s poden repasar dun xeito os principais conceptos que se deben coñecer en materia de saúde bucodental.

Unhas persoaxes moi simpáticas vannos ensinar como coidar e manter en perfecto estado a nosa boca e os nosos dentes :

Hai actividades para a nosa etapa, Educación Infantil :

Para acceder aos xogos non tedes máis que pinchar en calquera das imaxes. E lembrade, manter a nosa boca en perfecto estado é moi importante.

O coidado da nosa voz

2011-11-29T12:04:00.000-08:00

Agora que a chuvia e o frío chegaron para acompañarnos neste remate do outono, é moi importante coidar ben a nosa voz. Sabemos que o máis importante é non forzala e falar baixiño, sen berros. Tamén temos que abrigarnos ben e dispoñemos de alimentos naturais que axudan a manter fortes as nosas defensas : o mel e o limón.

O poema "El juego de hablar bajito" lémbranos como debemos falar para ter sempre a nosa voz nas mellores condicións posibles.

Adiviñas

2011-11-24T06:43:00.000-08:00

Que cousas cousiñas relacionadas coa linguaxe oral temos que adiviñar? Bótalle un ollo e axiña o verás!

¡Soubéronas todas todiñas, a estes nenos e nenas non se lle se escapa nen unha!

Esta mañá en Guísamo, Candela trouxo á escola un precioso libro de adiviñas da súa tía para amosarllo aos compañeir@s. Pasamos un ratiño moi divertido lendo adiviñas e, coma hoxe tocaba traballar a letra "u" atopamos no libro unha adiviña que nos foi "que nin pintada".

¡Graciñas Candela! (& familia :-)

Educapeques : xogo de audición e linguaxe

2011-11-23T08:57:00.000-08:00

Na páxina de Educapeques hay varios xogos interesantes para pasar un ratiño divertido. Nun deles hai un apartado adicado a Audición e Linguaxe onde podemos atopar varias actividades :"¿Cuál es el dibujo?"," El dibujo verdadero" "¿Qué es lo que suena?" (Pinchade nas imaxes para entrar)

Ainda que algúns dos xogos piden rexistrarse, se non queredes facelo hai varias que vos permiten o acceso sen rexistro (só tedes que ir pinchando nas figuras xeométricas).

Ademáis das actividades de Audición e Linguaxe hai outras para elexir : atención, memoria, percepción, conceptos básicos e lóxica.

Materiais para as familias : dominó de animais con erre

2011-11-19T14:42:00.000-08:00

Seguimos a traballar o erre, esta vez cun dominó de animais en castelán que o levan no seu nome (ratón, cerdo, perro, ardilla, rinoceronte, serpiente, tortuga). Elaboreino pensando en vós, as familias, para que o descarguedes, o imprimades e o máis divertido, para que xoguedes cos vos@s fill@s. Dunha maneira lúdica practicarán a pronuncia do erre e pasaredes un ratiño estupendo. Animádesvos?

As cores de outono

2011-11-14T14:00:00.000-08:00

Seguimos cos poemas do outono, despois de aprender tan ben o dos froitos imos agora co das cores do outono. Na escola de Carrio atopei uns recitadores fantásticos ¡¡vede o xenial que o fixeron!!

Conto acumulativo co son "R" forte

2011-11-13T13:29:00.000-08:00

O son "R" forte é un dos que máis dificultade lles supón aos nos@s alumn@s de educación infantil. É preciso practicar con palabras que conteñan ese son e este contiño de animais que levan o "R" no seu nome vainos axudar a facelo.

Un axudante moi aplicado amósanos o que temos que facer coa lingua para pronunciar ben o "R" forte :

Secuencias temporais

2011-11-08T13:43:00.000-08:00

Estamos a traballar con secuencias temporais : ordeamos e despois verbalizamos. Isto axúdanos a organizar mellor o noso descurso, a expresar correctamente o que pasa primeiro, o que pasa despois e o que pasa ao final.

Se queredes practicar con máis secuencias, nestas actividades de JClic atoparedes moitas para ordear. Eleximos o número de secuencias (3, 4 ou 5) pinchamos na imaxe (aparecerá unha liña ao mover o rato) e despois no cadro no que debemos colocala. Podedes acceder ás actividades AQUÍ

Debuxos d@s nos@s artistas

2011-10-28T08:24:00.000-07:00

Aquí temos algúns dos debuxos que fixeron @s nos@s artistas das persoaxes do conto "Indo para o Samaín"

View Photo Slideshow

Make a Free Flash Slideshow

Celebramos o Samaín

2011-10-23T09:21:00.000-07:00

O Samaín é unha festa ancestral da cultura celta, na que se celebraba a fin dun ano e o comezo do novo.

Para eles significaba a fin do verán, da luz e o comezo do inverno.

Celebraban grandes banquetes e pensaban que os mortos esa noite podían moverse libremente pola terra.

Para protexer as súas casas poñían as caveiras dos inimigos vencidos na entrada, iluminadas con candeas. Así os espíritus non lles farían dano.

Esta tradición derivou no costume de tallar cabazas e iluminalas, común nos países cunha tradición celta.

Os emigrantes irlandeses levárona a Estados Unidos, onde derivou na festa de Halloween.

A celebración cristiana de Todos os Santos tamén ten a súa orixe no Samaín celta.

É importante conservar estas antergas tradicións que ainda que foron variando ao longo dos tempos non deixan de ser un reflexo daquelo que un día fomos.

O conto "Indo para o Samaín" de Carlos e Sabela Labraña é o que elexín para contarlles na sesión de estimulación da linguaxe. Adapteille o texto e elaborei as ilustracións para axeitalo á nosa etapa educativa.

E por último un xogo para ir ensaiando como queremos tallar a nosa cabaza ¿animádesvos? Pinchade na imaxe da cabaza para acceder.

Canción dos froitos do outono

2011-10-23T04:29:00.000-07:00

Atopei en youtube esta bonita canción : "Frutos del otoño" e pareceume un complemento moi axeitado ao traballo que fixemos esta semán. Espero que vos guste.

Traballando a linguaxe

2011-10-21T10:43:00.000-07:00

A linguaxe está presente en todas e cada unha das interaccións que se realizan ao longo do día.
Na escola xurden en cada momento situacións donde a linguaxe é a actividade en si mesma.

Cando unha compañeira chega cunha novidade, como neste caso unhas preciosas caracolas que recolleu na praia, falamos sobre iso : describindo, explicando, amosando, preguntando, opinando...

Os xogos para estimular a linguaxe son esenciais nestas idades, o "vexo,vexo" é un que lles gusta moito:

O traballo de discriminación auditiva tamén é importante e coa PDI resulta máis motivador :

As praxias son exercicios que melloran a articulación e a pronuncia. Aquí os tedes, concentrados na imitación e moi atentos e atentas :

E por último, vede que ben aprenderon o poema dos froitos de outono :

Poema dos froitos de outono

2011-10-19T08:02:00.000-07:00

Este é o poemiña que estamos a aprender esta semana. Se queredes podedes practicalo na casa, porque ainda que xa nos vai saindo "requetebén" sempre é bo darlle un repasiño.

Actividades do outono

2011-10-18T10:03:00.000-07:00

Ilustración de Julia Woolf

Nas sesións de estimulación da linguaxe, estamos a falar do outono : fixemos o puzzle de Susi Dous e Renata, imos aprender un poemiña sobre os froitos do outono e traballamos vocabulario en galego cun "memori" moi divertido.

Puzzle de Susi Dous e Renata

2011-10-16T10:24:00.000-07:00

Susi Dous e Renata foron dar un paseo polo bosque para ver o fermoso que está no outono. ¿Anímaste a colocar as pezas para ver a imaxe?

6 Susi Dous e Renata

[Your web browser does not support frames or is currently configured not to display frames. However, you may visit the related page.]

Unhas follas moi divertidas

2011-10-13T07:38:00.000-07:00

Tendo en conta o motivad@s que están @s nos@s alumn@s co traballo en torno ao outono, ocurriuseme facer unha animación con follas para traballar as praxias. Como algúns xa me preguntaron cando a subía ao blogue, pois aquí a temos, para que poidades practicalas cando queirades.

Discriminación auditiva

2011-10-07T07:55:00.000-07:00

Esta semán nas sesións de estimulación da linguaxe oral, unha das actividades que realizamos foi de discriminación auditiva. Coa pizarra dixital resulta sempre máis interesante e divertido. Escoitabamos os sons e tiñamos que descobrir a cal das imaxes correspondía. Mirade que atentos estivemos e o ben que o fixemos:

O monte de Santa Marta de Babío

2011-10-05T07:15:00.000-07:00

Como xa sabedes, Susi Dous a nova amiguiña que traballou connosco o son "S", vive no monte de Santa Marta que é o punto máis alto do noso concello. Cando ideei o conto, tiña claro o que quería conquerir con el : traballar a pronuncia do "s", traballar as praxias linguais e ubicar unha persoaxe imaxinaria nun entorno do noso concello. O certo é que estou moi contenta da acollida e do moito que lle gustou aos nenos e nenas. Coma moitos deles querían coñecer mellor o lugar onde vive Susi Dous, traio unhas fotiños :

Os castiñeiros están agora moi fermosos e o chan alfombrado de ourizos.

Alí no cumio podemos ver un vértice xeodésico.

Gozamos dunhas vistas moi bonitas de Sada e da nosa ría.

Susi Dous

2011-09-27T07:52:00.000-07:00

Quen é esta serpe tan simpática?

2011-09-22T09:01:00.000-07:00

A vindeira semana nas sesións de estimulación da linguaxe oral coñeceremos unha serpe moi simpática chamada Susi Dous.

Que será o que máis lle gusta?

A quen coñecerá?

Onde vive Susi Dous?

Teremos que esperar ao conto para descobrir todas estas incógnitas...

Só darei unha pistiña : Susi Dous vive no lugar máis alto, máis alto do concello de Bergondo.

Sabedes onde atopala??

Estimulación da linguaxe. Orientacións para as familias

2011-09-11T11:40:00.000-07:00

O contorno familiar non só é o ámbito natural para o desenvolvemento da comunicación, é tamén o único que pode proporcionar unha estimulación intensiva ao longo dos 365 días do ano. Por outra parte, esta estimulación está profundamente unida ás condutas espontáneas e naturais da vida cotiá.
Dentro das actividades da vida diaria hai algunhas que, pola especial relación que se produce entre o neno e os pais, son moi apropiadas para a estimulación da linguaxe: a comida, o baño, o vestirse, o deitarse, cando o/a fillo/a xoga...

Tiphanie Beeke

As distintas actividades da vida diaria son moi axeitadas para estimular a linguaxe das nenas e dos nenos.

Pero ademais non só se poden aproveitar estas situacións naturais e espontáneas da vida diaria para a estimulación da linguaxe do/da neno/a, tamén podemos provocar nós algunhas situacións como comprar un conto e lerllo ou polo menos mirar os debuxos, contarlle algún conto adaptado á súa idade, ir a unha feira, ao campo, ao parque... e comentar o que vemos.

Carolyn Croll

Aga Kowalska

ALGUNHAS ACTIVIDADES MÁIS CONCRETAS

Non darlle demasiados mecos

A sobreprotección atrasa o desenvolvemento xeral e, polo tanto, a linguaxe. Débese fomentar a autonomía, animándoo a facer cousas e valorar o que fai aínda que sexa imperfecto.

Calquera forma de comunicación é interesante

Favorecer un clima familiar agradable no que o/a neno/a experimente o pracer e a necesidade de comunicarse. Esta comunicación pode ser oral, utilizando algún son ou palabra, e tamén xestual, sinalando ou indicando algo coa man.

Ofrecer bos modelos de expresión oral

Non falarlle á présa.
Evitar a afectación e o meco ao falarlle.
Articular ben.
Utilizar un vocabulario adaptado ao/á neno/a, pero facendo este cada vez máis amplo.
Evitar os ruídos de fondo que dificultan a discriminación auditiva.
Fomentar a conversa aínda que, por parte do/da neno/a, sexa moi sinxela.

Favorecer a mobilidade e a axilidade dos órganos buco-faciais

Xogar a poñer caras feas, a facer movementos da lingua, a facer vibrar os labios… e observar a cara nun espello.
Acostumar o/a neno/a a utilizar un pano cantas veces o necesite e a limpar os mocos correctamente de forma autónoma.

Favorecer a percepción auditiva

Chamar a atención sobre algún son e pedirlle silencio para escoitar mellor, procurando que centre a atención no que oe: ”parece que chamaron á porta, ¿quen será?”, “óense voces, ¿quen chegaría?”
No campo: óese cantar un paxaro, ¿onde estará? Igualmente escoitamos as ras dun estanque, o zoar do vento entre as árbores, os sons doutros animais, o son da choiva...
Na cociña: fixámonos no ruído da batedor, do muíño, no son rítmico de bater os ovos, da auga da billa…
Cando lemos un conto ou xogamos co/coa neno/a, imitar as voces das distintas personaxes, enfatizando a entoación.

Marty Jones

Xogar a adiviñar polo son o que acontece en sitios próximos: ¿a ver se adiviñas que pasa na rúa?, ¿que fai mamá na cociña?, ¿que programas emiten na tele?...
Pechamos os ollos e escoitamos un anuncio da tele intentando identificar distintos sons.
Confeccionar un “dicionario infantil” utilizando debuxos feitos polo/pola neno/a, recortes de publicidade... e ir clasificándoos pola súa letra inicial e engadindo os que vaian xurdindo.

Que fomenten a correcta articulación

Cando un neno ou unha nena ten dificultades específicas nalgún fonema, non convén que as persoas adultas fixen constantemente a súa atención e a do neno ou nena sobre este defecto. É mellor devolverllo ben pronunciado, poñendo énfase na articulación correcta pero sen chamar a atención do rapaz ou da rapaza sobre o fonema mal articulado.

Que amplíen o vocabulario comprensivo e expresivo

Observar o que vemos polas fiestras da casa.
Comentar o que vemos a través da fiestra do coche adaptándonos á idade do/da neno/a: animais, árbores, edificacións, características da paisaxe...
Nos contos con pouco texto e abundantes imaxes, ir nomeando o que aparece nos debuxos, fotos, láminas... segundo o seu interese.
Cando facemos algunha reparación na casa (ao ordenar caixóns, armarios…) buscar a colaboración do/da neno/a e ir verbalizando o que facemos. Da mesma maneira podemos proceder cando facemos unha ensalada, un pastel ou outra comida.

Abby Carter

Ao saír de compras, comentar as cousas que hai na tenda. Nomear o máximo de cousas e non só o que se vai comprar.

Jannie Ho

Aproveitar a excursión ao campo ou unha saída ao parque para ampliar o seu vocabulario.
Fomentar e propiciar as situacións de diálogo . Falarlle e escoitalo/la moito, de maneira que se estableza unha situación estimulante, desde o punto de vista lingüístico, na que o/a neno/a reciba numerosas e variadas mensaxes e sexa incitado/da a responder activamente coa súa propia linguaxe.

Mick Reid

Responder as preguntas que faga: ¿que é?, ¿para que serve?, ¿por que? Convén que as respostas sexan sinxelas e teñan un carácter explicativo.
Comentar en voz alta o que se está a facer.
Comezar a resposta do/da neno/a dicíndolle a primeira sílaba, palabra ou frase para que a remate: ”poñemos o panta…”, “a tesoira serve para…” Non importa que a resposta sexa incorrecta, como “eta” por chaqueta ou “atos” por zapatos. O importante é que se exprese. Nós reforzaremos a resposta devolvéndolle a palabra completa, pero sen corrixila de forma explícita.
Recoller o enunciado que construíu mal e devolverllo aplicándolle algunha corrección e/ou ampliación.

- Nai: ¿que é?
- Neno: u fate
- Nai: un elefante grande
- Nai: ¿qué é?
- Neno: ote
- Nai: si, un coche vermello

FACER DA ESTIMULACIÓN DA LINGUAXE UN XOGO DIVERTIDO NO QUE TOMAN PARTE OS NENOS E/OU AS NENAS E AS SÚAS FAMILIAS

Estas recomendacións están extraídas dun material elaborado pola Xunta de Galicia e mailos Equipos de Orientación específicos.

Comezamos novo curso

2011-09-07T07:36:00.000-07:00

O vindeiro luns 12 de setembro os/as nosos/as alumnos/as encherán de novo as aulas coa súa ledicia. Temos moitas novidades : mestres nov@s, cambios e arranxos nas escolas, un aula máis...

Dende o blogue quero darvos a benvida a tod@s a este novo curso lembrándovos que aquí tedes unha canle máis de comunicación comigo.

Un saúdo,

Dolores

Saída fin de curso á granxa-escola Belelle

2011-06-22T15:13:00.000-07:00

Rematamos as clases cunha divertida saída á granxa-escola Belelle. Foi unha xornada moi especial onde poidemos gozar cos animais que alí había e aprender moitas cousas sobre eles.

O dromedario fíxonos cóxegas cando lle demos de comer, a llama esperaba expectante que lle botaramos o pan, o pavo real deixounos abraiados coas cores das súas plumas, os ponis encantáronos e amosáronse moi tranquilos cando montamos neles. Tamén fixemos pan e sementamos no taller da horta. Todos levamos un recordo precioso desta xornada.

Convivimos na escola

2011-06-13T09:18:00.000-07:00

Agora que remata o curso lembramos as normas básicas de convivencia que compartimos e impulsamos dende o CRA e temos recollidas no Plan de Convivencia Escolar.

Saudando e despedíndonos, pedindo as cousas por favor e dando as grazas, colaborando e compartindo cos/coas nosos/as compañeiros/as, respectando os horarios da escola, coidando os materiais, xogando xuntos/as... así é como entre tod@s melloramos a convivencia día a día.

Visita ao CPI Cruz do Sar

2011-06-08T08:05:00.000-07:00

Visitamos as instalacións do CPI Cruz do Sar e asistimos á representación "La flauta mágica" do Cruz do Sar moi ben interpretada pol@s alumn@s de 4º da ESO (vaia dende aquí novamente un forte aplauso, que ben o merecen).

No colexio convidáronos a un menú europeo composto por : minipizzas italianas, salchichas alemanas, tortilla española, croquetas de arroz á portuguesa, patés franceses, queixos holandeses e chocolate belga.

Rematamos no pavillón moi alegremente bailando tod@s xuntos.

Moitas grazas ao CPI Cruz do Sar que nos agasallou cunha xornada chea de sorpresas!!

Europa e Mozart

2011-06-07T09:45:00.000-07:00

Nas últimas semanas tódalas titoras e especialistas desenrolamos unha unidade conxunta e globalizada sobre a figura de Mozart. Concretamente, nas sesións de estimulación da linguaxe falamos sobre as viaxes de Mozart por Europa, os medios de transporte que utilizou e como eran as cidades e a vida naqueles tempos. Estas son algunhas das imaxes da actividade.

Tapóns de plástico para Iker

2011-06-03T02:40:00.000-07:00

Dende o CRA de Bergondo queremos aportar o noso gran de area á iniciativa posta en marcha polos pais de Iker, un neno vasco que precisa dun aparato ortopédico.

Levamos algún tempo recollendo (con grande éxito de participación) tapóns nas escolas e un pai voluntario vaise encargar do transporte, polo que a data límite para traer tapóns é o venres 10 de xuño.

Estamos a gardar os tapóns recollidos na escola de Carrio ¡¡mirade cantos temos xa!!

Rosa León : " Era un gato grande "

2011-05-28T13:18:00.000-07:00

Nesta canción de Rosa León temos un montón de palabras para practicar o son "rr"

Era un gato grande que hacía ro-ró

muy acurrucado en su almohadón.
Cerraba los ojos, se hacía el dormido

movía la cola, con aire aburrido.

Era un ratoncito chiquito, chiquito

que asomaba el morro por un agujerito.
Desaparecía, volvía a asomarse

y daba un gritito antes de marcharse.

Salió de su escondite,

corrió por la alfombra

y miedo tenía

hasta de su sombra.

Pero al dar la vuelta

sintió un gran estruendo

vio dos ojos grandes

y un gato tremendo.

Sintió un gran zarpazo

sobre su rabito

y se echó a correr

todo asustadito.

Y aquí acaba el cuento de mi ratoncito

que asomaba el morro por un agujerito.

Ficha da actividade:

Taller de resolución pacífica de conflictos

2011-05-26T15:02:00.000-07:00

Coa intención de fomentar valores e aprender formas constructivas e pacíficas de solucionar os conflictos, traballamos cun material composto por dous contos, "Libria busca sorrisos no patio I e II", que aquí temos resumidos :

Debuxamos e coloreamos ás persoaxes dos contos e témolas nas aulas para lembrar que calquera desencontro se pode solucionar co diálogo. Libria, a bolboreta protagonista dos contos, ensínanos que o mellor camiño pasa sempre polo diálogo.

Letras Galegas 2011

2011-05-20T10:53:00.000-07:00

Festexamos as Letras Galegas cunha saída á Senra para ver a representación de títeres "O gran Ketumba Ketamba" e despois fomos a visitar a Feira de Artesanía de Bergondo: INCOART. Alí vimos a Pepe da Nogueira ao que lle fixemos un agasallo (un libro coas imaxes das súas visitas polas escolas e os debuxos d@s nen@s) en agradecemento polo seu tempo e as súas ensinanzas. Foi un día cheo de emocións e pasámolo moi ben.

Ópera para escolares: El superbarbero de Sevilla

2011-05-18T16:16:00.000-07:00

Estivemos no Palacio da Ópera vendo "El superbarbero de Sevilla" e estas son algunhas das imaxes previas á representación.

Lois Pereiro na estación de trens de Monforte

2011-05-15T12:52:00.000-07:00

Así é como os/as nosos/as nenos/as imaxinan a Lois Pereiro vendo pasar os trens pola estación de Monforte de Lemos.

Practicamos as praxias coa vaca

2011-05-14T06:34:00.000-07:00

¡¡Xogamos a imitar os movementos que fai a vaca!!

Contos en cantos

2011-05-13T14:21:00.000-07:00

Contos en cantos é un estupendo material co que traballamos na escola. Son cancións moi pegadizas narradas en verso e que aos nosos/as nenos/as lles encantan. Con "Chocolata" practicamos o "ch" e con "Cocorico" o "r" e mailo "rr". ¿Animádesvos a cantar?

Expresión oral : describímonos

2011-05-07T14:47:00.000-07:00

Esta semana fixemos unha actividade de expresión oral na que cada nen@ mirábase no espello para describirse. Descubrimos así o valor da diferencia : que cada un de nós somos distintos dos outros, pero parecémonos.

El pájaro carpintero

2011-05-06T11:48:00.000-07:00

Hai algúns días falamos sobre o peto e observamos o seu burato na cortiza da árbore. Esta simpática canción lémbranos ó paxaro que tanto nos gustou.

A tartamudez infantil

2011-05-05T13:59:00.000-07:00

Ilustración de Jing Jing Tsong

Os erros de fluidez son repeticións de sons, sílabas ou palabras, vacilacións ou indecisións que interrompen a fala. Estas dificultades son frecuentes en nenos/as de Educación Infantil.

Cando nos atopamos ante un problema de fluidez na fala ou tartamudez, é importante seguir estas recomendacións :

Adicar tódolos días de 15 a 20 minutos a falar co/a neno/a, ver/ler algún conto xuntos, facerlle comentarios sobre o que o adulto fixo ao longo do día, sen presas e procurando que a situación sexa agradable, amosándolle que se desfruta falando con él/ela.
Manter o contacto ocular de xeito natural ao falar con él/ela, escoitándolle con atención e amosando interese polo que di, facéndolle ver que se lle entendeu.
Prestar máis atención ao que di que ás fallas de fluidez, sen amosar preocupación cando se produzan. É fundamental reaccionar dunha forma neutra ignorando a conducta da tartamudez.
Esperar un breve espacio de tempo antes de responderlle. Así tamén aprende a non interrumpir nin apresurarse para falar.
Fallarlle amodo, facendo pausas entre as frases, así nos poderá imitar e presentará menos tatexos. Que consigamos reducir a velocidade da fala cando conversamos con él/ela é un dos obxectivos primordiais. Este xeito lento de falar ten que soar natural, para que a/o neno/a non lle resulte extraño. (Pódese lentificar a fala alongando os silencios e articulando máis amodo)
Darlle tempo para respostar e expresarse. Hai que esperar que remate de falar sen amosar impaciencia. Non interrumpilo/a nen acabarlle a palabra ou a frase.
Cando o/a neno/a se amosa moi nervioso/a, querendo dicir moitas cousas e monopolizando a conversa debemos crear unha situación máis calmada intercalando comentarios e intentando instaurar un ritmo tranquilo.
Falarlle con frases curtas e sinxelas, axeitadas ao seu nivel de madurez. Temos que evitar falarlle con frases excesivamente longas, facerlle demasiadas preguntas xuntas, darlle instruccións complexas ou usar un vocabulario complicado para o/a neno/a.
Utilizar nalgunhas ocasións pausas na conversa, incluso algunha repetición de palabras ou frases, de modo que non se sinta presionado/a por falar correctamente, vexa esa conducta como algo natural e observe como o adulto resolve a dificultade.
Na conversa non facerlle demasiadas preguntas, é mellor realizar comentarios ou observacións sobre o que está a facer nese momento. É importante non facerlle preguntas que supoñan respostas largas.
Non presionarlle para que fale con outros adultos se non quere facelo, xa que falar baixo presión pode dificultar a fluidez.
Non é frecuente que un/unha neno/a pequeno/a comente nada sobre as súas dificultades, pero si pode chegar a amosar incomodidade ou frustración por non poder falar fluido nun momento dado. Pero si xurde o tema, é importante referirse aos erros de fluidez como unha dificultade puntual con esa palabra nese momento, e non facer referencia á tartamudez. Falaremos das súas dificultades como “atascos” “repeticións” ou termos parecidos.
Cando hai varios membros na familia, hai que facilitarlle participar nas conversas, establecendo turnos para que poida expresarse como o resto dos/das irmáns/ás.
Nunca darlle consellos no momento no que cometa erros como “fala amodo”, “tranquilo/a”, “respira”...
Non correxirlle directamente a súa maneira de falar ou pronunciar, nin facerlle repetir o que acaba de dicir. O que si podemos facer é introducir na nosa resposta o modelo correcto da/s palabra/s nas que presentou problemas.
Reforzar frecuentemente os seus aspectos positivos en xeral, para proporcionarlle maior seguridade en si mesmo/a.

La familia beee comparte las tareas

2011-04-30T15:43:00.000-07:00

La familia beee é un proxecto de educación para a igualdade pensado para nenos e nenas de educación infantil onde se valora a importancia de compartir as tarefas entre toda a familia. (Clic na imaxe para entrar)

Fonte : www.familiasenmadrid.org

As nenas e os nenos e a saúde

2011-04-26T15:47:00.000-07:00

Unha simpática canción que nos achega aos hábitos saudables.

Comer y crecer

2011-04-26T13:04:00.000-07:00

Agora que estamos a traballar a unidade dos alimentos, atopei este material : Cuadernos de educación en valores. Por preguntar que no quede : comer y crecer, onde explican dun xeito moi didáctico moitas cuestións sobre a alimentación. (Clicar na imaxe para ver o documento pdf)

Fonte : http://educarenigualdad.org/

Día do libro

2011-04-23T08:56:00.000-07:00

A lectura desenrola nos nenos e nenas a imaxinación e a creatividade, mellora a capacidade de concentración e memoria e enriquece o vocabulario. Para celebrar o día do libro non hai regalo mellor que un conto. Déixovos o enlace a unha páxina con moitos contos que de seguro vos farán desfrutar! (Clic na imaxe)

Expresión oral : a descrición

2011-04-14T13:56:00.000-07:00

Partindo da observación dunha cortiza de árbore co burato que fixo o peto nela e dous niños de paxaros, traballamos a descrición e ampliamos o vocabulario.

Expresión oral : a conversa

2011-04-13T13:03:00.000-07:00

Nas sesións de estimulación da linguaxe traballamos (entre outras cousas) a expresión oral das vivencias de cada neno/a. Fomentamos e valoramos o diálogo cos compañeiros/as respectando as quendas e seguindo comprensivamente a conversa. Aquí temos unhas imaxes dos "peques" de Guísamo que xa apuntan maneiras de futuros/as oradores/as.

Xoga con Fervello

2011-04-10T13:34:00.000-07:00

A través deste grupo de once xogos, o neno ou a nena pode familiarizarse coa lingua galega dun xeito lúdico mentres que tamén vai desenvolvendo outras capacidades (memoria visual, auditiva...).

Os protagonistas son Fervello (un morcego), Fuco (un neno), Xana (unha nena) e Farragús (un can).

Clicar na imaxe para xogar.

Poema "primaveral"

2011-04-10T09:54:00.000-07:00

Este foi ó mar

2011-04-09T10:24:00.000-07:00

As lerias, cantigas ou ditos populares son unha fonte de aprendizaxe coa que divertirse. Pero tamén axudan e estimulan dun xeito moi lúdico o desenrolo da linguaxe.

( Extraída da páxina Orella pendella )

Este foi ó mar e non pescou nada.
Este foi ó mar e pescou unha pescada.
Este quedou en terra e lavouna ben lavada.
Este quedou en terra e fixo unha caldeirada.
E este lambón, lacazán... ¡papouna, ben papada!

Pepe da Nogueira : artesán da madeira

2011-04-06T11:36:00.000-07:00

O Equipo de Normalización Lingüística do CRA de Bergondo organizou a visita ás escolas dun artesán e artista da madeira do noso concello : Pepe da Nogueira.

Esta mañá estivo na escola de Guísamo, deixándonos abraiados coas súas obras.

Onomatopeias de animais

2011-04-05T13:30:00.000-07:00

ki...ki...ri...kiiiiiiiiiiii

miauuu...miauuu...miau

beeeeeeee...beeeeeee...beeeeeee

guau...guau...guau

croac...croac...croac

muuuu...muuuu...muuuu

Sons de animais

2011-04-04T16:16:00.000-07:00

Elefante, cabalo, serpe, can, gato, porco... son algúns dos animais que podemos escoitar neste vídeo.

Xogamos a imitalos?

Praxias bucofaciais

2011-04-03T12:45:00.000-07:00

¿A qué sabe la luna?

2011-04-03T11:56:00.000-07:00

A que pensades que sabe a lúa? Neste bonito conto poderemos descubrilo...

Imaxes de animais co son "rr"

2011-04-01T12:51:00.000-07:00

O son "rr" é un dos que máis dificultade lle supón aos nenos. Imos ver unhas imaxes de animais que levan o son "rr" no seu nome (en castelán)

Mamá... ¿de qué color son los besos?

2011-03-30T10:25:00.000-07:00

Un contiño precioso,doce,colorido e cheo de bicos para compartir.

Recollida de tapóns de plástico

2011-03-30T07:12:00.000-07:00

No C.R.A. estamos a levar a cabo unha iniciativa de recollida de tapóns de plástico.

En tódalas aulas temos un espazo adicado á recollida e os nosos alumnos e alumnas están entusiasmados colaborando moito!

As praxias con Bob Esponja

2011-03-28T08:02:00.000-07:00

Lembramos as imaxes das praxias de Bob Esponja que temos nas aulas.

As láminas utilizadas para elaborar este recurso foron extraídas do blogue : Mi aula de audición y lenguaje

Día da árbore 23-3-2011

2011-03-23T12:05:00.000-07:00

Hoxe celebrámolo "Día da árbore" cunha saída á Senra e mais ao Pazo do Casal.

Chegamos á Senra e xuntámonos tódalas escolas.

Os traballadores do Concello tiñan preparadas ás árbores, o abono e maila auga.

Coas nosas pás botamos terra e regámola nosa árbore, un carballo.

Antes de visitar o Pazo do Casal, xogamos un pouco no parque de Santa Marta.

E chegou o momento de coñecer o Pazo.

Nada máis entrar a enorme sequoia deixounos coa boca aberta.

Tivemos que xuntarnos as escolas de Vixoi e Carrio para poder rodeala!

No estanque vimos peixes!

Paseamos polos seus fermosos xardíns vendo e coñecendo moitas clases de árbores.

Tamén nos gustou moito a antiga fonte de pedra.

Foi un día emocionante e disfrutamos moitísimo!!

Expresión oral : inventando robots

2011-03-21T11:34:00.000-07:00

A raíz dun conto sobre un robot, traballamos a expresión oral, a descrición e fomentamos a imaxinación inventando robots.

Aquí están algúns deles así coma os seus poderes:

O robot "estrella fugaz" oe todo e cando alguén está en perigo avisa para que lle manden axuda. O robot "estrella" salva ás persoas que teñen problemas nun avión, nunha avioneta, nun globo...etc. E por último, o robot "papelera" recolle o lixo e despois o leva ao contedor que lle corresponde.

Curso 2010-2011, marzo
Programa de estimulación da linguaxe (P.E.L.)

Momentos e actividades para a linguaxe oral

2011-03-18T15:18:00.000-07:00

Ilustración de Brenda Sexton

Xogar ás onomatopeias imitando animais, accións ou sons coñecidos. No momento de ler un conto facerlle as onomatopeias e animarlle a que as repita.
Aprender e recitar xuntos adiviñas,cancións, lerias...etc.

Ilustración de Suzanne Beaky
Xogar a facer xestos diante do espello.
Realizar exercicios de soplo.
Aproveitar calquera momento cotidiano (saída da escola, facer a comida, ir ao supermercado, dar un paseo...etc) para conversar e ampliar o seu vocabulario.
Ver libros de imaxes e fotografías comentando todo o que alí hai.

Ilustración de Kelly Kennedy
Tras lerlle un conto, asegurarse que o entendeu pedíndolle que identifique ás persoaxes e explique o que fan. Tamén é moi importante que o/a neno/a conte aos adultos o conto.

Estimulación da linguaxe oral

2011-03-17T13:45:00.000-07:00

Ilustración de Nancy Cote

CONSELLOS PARA ESTIMULAR A LINGUAXE ORAL

Adicar un tempo diario a falar cos fillos. Os pais, dende o entorno familiar, poden estimular a linguaxe oral dunha maneira lúdica.
Deixar que o/a neno/a se exprese á súa maneira. Se comete erros cando fala non debemos rirnos, o máis recomendable é ampliar e reorganizar as súas expresións dándolle un modelo correcto.
Escoitar ao/á neno/a cando fala sen interrumpirlle e acostumalo/a a que saiba escoitar.
Ensinarlle a pedir as cousas correctamente evitando que use xestos ou monosílabos.
Non respostar no lugar do/a neno/a. É importante que fagamos preguntas que impliquen unha resposta máis elaborada ca un simple “si” ou “non”.
Non usar unha linguaxe simple e infantil e evitar os diminutivos. O/a neno/a utiliza esta linguaxe infantil porque se atopa nese momento evolutivo, pero non debemos imitar a súa maneira de falar,senón proporcionarlle o modelo correcto.
Evitar a sobreprotección e darlle responsabilidades que lle fagan sentirse maior.