AUDICIÓN E LINGUAXE: febrero 2014

O Entroido Ribeirao : os VOLANTES de Chantada

Rematamos xa a nosa viaxe por algúns dos entroidos galegos máis representativos galegos cos VOLANTES de Chantada.

Cos seus grandes puchos cheos de cintas de cores, os volantes percorren as aldeas de Santiago de Arriba e Nogueira, do concello de Chantada.

Domingo Corredoiro en Santiago de Arriba (Chantada)

¡Ollade o contentiños que estabamos cos nosos libriños de entroido!

¡¡Animádevos a coñecer algúns dos entroidos galegos, gustaránvos moito!!

Entroido galego : Os XENERAIS da Ulla

A comarca natural da Ulla posúe un orixinal entroido rural do que temos testemuños dende mediados do século XIX.

As personaxes máis importates son os xenerais e correos a cabalo, que percorren as parroquias ao longo do día dando vivas a veciños e visitantes, acompañados dun “exército” de abandeirados, coros, comparsas e parrandas.

Rematan escenificando un atranque ou alto, enfrontamento dialéctico por parellas, aproveitado para facer burla e sátira de asuntos locais, de política ou do corazón, acontecidos durante o ano.

(Fonte: http://www.xeneraisdaulla.com/)

Atoparedes máis información na súa páxina :

Entroido galego : os BOTEIROS de Viana do Bolo

Chegamos a Viana do Bolo onde coñecemos á persoaxe máis colorida do seu entroido : o BOTEIRO.

O BOTEIRO leva a cara cuberta cunha carouta de madeira que lembra ás máscaras africanas (algúns estudosos do entroido ven influenzas exóticas traídas da emigración). A máscara leva enriba unha gran pantalla feita cunha estrutura metálica cuberta de cintas de papel de moitas cores. Tamén destaca a camisa do BOTEIRO, con metros e metros de cintas de cores que forman bonitos debuxos.

Os BOTEIROS acompañan ao seu fulión abríndolle paso entre a xente.

O fulión fórmano veciñ@s da mesma parroquia que tocan instrumentos de percusión.

Neste vídeo vemos ao FULIÓN cos BOTEIROS :

Entroido galego : as PANTALLAS de Xinzo de Limia

Seguimos o noso percorrido polo ENTROIDO GALEGO coñecendo ás PANTALLAS de Xinzo de Limia.

Neste vídeo escolar, explícanlle aos nenos e nenas dun colexio, a persoaxe da PANTALLA:

Nestoutro vídeo aprenderemos moito do entroido de Xinzo de Limia e da súa persoaxe principal : A PANTALLA :

Entroido galego : os PELIQUEIROS de Laza

Comezamos o noso percorrido polas persoaxes do ENTROIDO GALEGO en Laza (Ourense), cos PELIQUEIROS :

Decoramos as máscaras dos peliqueiros con imaxes de animais :

Fixemos crebacabezas :

E un xogo de memoria :

Comezamos xa a preparar o noso libriño do ENTROIDO GALEGO :

Ademáis, nas nosas bibliotecas de aula, temos o libro do entroido para consultalo cando queiramos :

Ilustración de Almudena Aparicio

E para rematar, neste vídeo explican moi ben a tradición dos PELIQUEIROS de Laza :

O Entroido galego

Durante este mes os nenos e nenas do CRA de Bergondo achegaranse ao ENTROIDO GALEGO, coñecendo cinco persoaxes dalgúns dos entroidos máis representativos de Galicia.