As adiviñas son un recurso moi axeitado para estimular a linguaxe. Con elas traballamos a comprensión oral dunha maneira divertida. Aprendemos a escoitar con atención e a pensar razoadamente no que se nos está a preguntar.
Estou segura de que moit@s de vós tedes na casa libros de adiviñas e anímovos a xogar c@s vos@s fill@s a descubrilas.
Hai uns días, Carla quixo compartir con nós as adiviñas do seu libro e pasamos un ratiño do máis entretido xogando a adiviñar.
¡¡Moitas grazas, Carla!!
Estos días levei polas escolas un libro que a min, particularmente, me parece precioso. Ten unhas adiviñas adaptadas aos nen@s e unhas fermosas ilustracións de Suso Cubeiro. O certo é que gustou moito e ainda que houbo que darlle voltiñas á cabeza, soubemos adiviñalas ben.
E tan motivad@s e preparad@s como estabamos, só quedaba ir un pasiño máis adiante e ...
¡¡ inventar as nosas propias adiviñas !!
Entre tod@s, escola por escola e aula por aula, fixemos adiviñas e agora sodes vós quen tedes que descubrilas :
