Nadal Galego : O Pandigueiro

Un ano máis tivemos a gran sorte de recibir a visita do Pandigueiro en tódalas escolas do CRA de Bergondo. Veu coa súa axudante Alicia e compartiu con nós uns poemas, unhas cantigas e algunha que outra adiviña. 

Falounos da súa terra, O Courel, e da importancia de coidar da natureza. Tamén nos lembrou que temos que alimentarnos ben para estar sans e fortes.

Trouxo xoguetes tradicionais e agasallounos con castañas e unha pizarra. Canto aprendemos coa súa sabedoría!!!

Fixemos moitas actividades para preparar esta visita tan especial que nos achegou ao nadal tradicional galego :

O Entroido galego

Durante este mes os nenos e nenas do CRA de Bergondo achegaranse ao ENTROIDO GALEGO, coñecendo cinco persoaxes dalgúns dos entroidos máis representativos de Galicia.

  
Pinchando nas imaxes, iredes ás entradas de cada un dos entroidos :

OURENSE

 LUGO

A CORUÑA - PONTEVEDRA

 

Este é o libro que xa temos nas nosas bibliotecas de aula para consultar sempre que queiramos. Podedes velo picando na imaxe:

Elaboraremos tamén os nosos libriños do entroido coas seguintes fichas:

Lembrade :

Para gardar as imaxes no tamaño no que as subo, deberedes abrilas noutra ventá ou pestana.

Anexo - Materiais de ENTROIDO GALEGO

Dado de entroido :

Persoaxes en b/n (en .png) :

No blogue da miña compañeira Rosa (titora da escola de Silvoso) atoparedes un estupendo libro LIM sobre as persoaxes de entroido:

Pinchade na imaxe para acceder

 

 

¿Entroido ou Antroido?

Podedes acadar máis información sobre o Entroido Galego no seguinte enlace, nun documento moi completo que tamén se pode descargar :

" O peixe, o polbo e o golfiño "

Co conto da escola de Silvoso ímonos mergullar no mar para gozar coas aventuras de Glu-glú e Fan. 

Poñede as gafas e as aletas que marchamos... ¡ao fondo do mar!

 

 ¡¡ Felicitacións silvosiños !!

Rematamos xa a serie de entradas adicadas aos contos inventados pol@s nosos autores do CRA de Bergondo. Esta é unha actividade moi completa e significativa para @s nen@s porque se convirten así nos verdadeiros creadores das súas historias. Nas grabacións podedes comprobar que non len nen repiten o texto que aparece no conto, senón que nos contan a historia coas súas palabras, realmente, están verbalizando os seus propios relatos. 

O obradoiro de contos serviu tamén para que os nen@s desfrutasen e valorasen os contos inventados polos seus compañeir@s. Foi unha acividade na que tod@s, os nenos e mais eu o pasamos fenomenal e desexamos que vós o pasarades tan ben coma nós. 

" As xoaniñas do bosque "

Na aula das xoaniñas de Carrio inventaron un conto no que as protagonistas son ... ¡ dúas xoaniñas ! 

Vede agora o que pasou con Sil e Lasa cando o lobo fixo a súa aparición.

" O dragón Lucho "

O dragón Lucho, a raíña e mailos cabaleiros son as persoaxes dun conto sorprendente e divertido inventado pol@s nen@s da aula dos cadrados de Guísamo.

¡Xa veredes o ben que o ides pasar con el!

¡¡ Noraboa a tod@s  !!

"O peixe Martín"

Na aula das bolboretas de Carrio o peixe Martín ten un problema. Por sorte tamén conta cun bo amigo que lle vai axudar.

¿Queredes saber como? 

¡¡ Bravo bolboretiñas !!

" A vaca conductora "

Parece que na aula dos triángulos de Guísamo hai unha vaca que lle quere facer a competencia a Fernando Alonso...
Os "peques" de Guísamo inventaron un fermoso conto ambientado nunha granxa. Alí hai unha vaca que non lle ten medo a nada...

¡Pasade a ver cal foi a súa aventura!

¡¡ Noraboa a tod@s !!

" A amiga da xirafa "

Os nenos e nenas da escola de Vixoi, inventaron un conto moi fermoso sobre a amizade. 

¡Xa veredes canto vos vai gustar!

¡¡ Felicitacións !!

"O elefante e o mono"

Empezamos pola aula dos círculos de Guísamo. Inventaron un conto moi bonito no que os protagonistas son un elefante chamado Max e un mono bastante xoguetón que aprendeu unha boa lección. 

¿Querédelo ver?

¡¡ Noraboa a tod@s !!

Vaia arte teñen estas praxias

Coma xa sabedes, no C.R.A. estamos inmers@s nun proxecto de arte. En tódalas escolas están a traballar sobre varios pintores. 

Nas sesións se estimulación da linguaxe temos unhas praxias moi "artísticas" que nos animan a facer exercicios para mellorar a nosa fala.