Xa sabemos o importante que é escoitar aos demáis cando nos contan algo, porque tamén nos gusta que nos escoiten cando somos nós os/as que falamos.
Ainda que no tempo que adicamos a falar nas sesións de estimulación da linguaxe, lembramos a importancia de respectar o turno de palabra, tamén resulta divertido facelo coma un xogo.
E así foi coma xurdiu o "Xogo do turno de palabra"
Unha tarxeta grande (para vela ben) co turno de palabra é para o neno ou nena que vai falar e as tarxetas pequenas que nos recordan que hai que estar caladiños e ben atentos son para o resto d@s compañeir@s.
No comezo do xogo, o/a encargad@ é quen lle reparte aos compis as tarxetas pequenas.
Cando rematamos de falar, pasámoslle a outr@ compañeir@ o turno de palabra.
E así, de xeito lúdico, cun xogo, interiorizamos esa norma tan importante para a convivencia, que é respectar o turno de palabra e escoitar o que os demáis nos aportan coas súas palabras.