A visita do Apalpador polo Nadal
O noso centro, desde hai uns anos, sumouse á iniciativa de moitos outros colexios galegos, de recuperar a figura do Apalpador ou Pandigueiro.
Este vello carboeiro é moi respectuoso co medio ambiente e anímanos a coidar da natureza e do noso entorno.
Chegou do Caurel para vernos e traer as novas da súa terra. Amosounos sementes, falounos da importancia de coidar dos nosos bosques e compartiu connosco unhas deliciosas mazás.
Xa sabemos que a froita é moi importante para medrar sans e fortes!!
Tamén nos amosou fermosos xoguetes feitos de xeito artesanal :
Moitas grazas Pandigueiro, por compartir a túa sabedoría!!!
Celebramos o Magosto
Chegou o outono e con el a celebración do noso Magosto. Este ano foi moi especial porque o lugar elexido para esta festa tan nosa, foi o Albergue de Gandarío. Agradecemos a tod@s os que alí traballan o bo acollemento que nos deron. Contamos tamén coma todos os anos, coa inestimable axuda de Protección Civil de Bergondo, que asou e repartiu as castañas.
Fixemos divertidos xogos, cantamos a canción do outono, comemos as castañas e gozamos da natureza!!
Unha xornada inolvidable!!
Castrex@s no C.R.A. de Bergondo!!
Dentro do noso proxecto anual "Unha viaxe ao pasado", neste terceiro trimestre aprendemos moito acerca dos castrexos. A profe Livia fixo unha visita moi especial por todas as escolas para explicarnos como vivían nesa época. A través dun conto e dos materiais que nos trouxeron, puidemos coñecer mellor e de xeito significativo, a forma de vida dos castrexos.
A profe Livia veu acompañada de membros do grupo de música tradicional SON DE LUGH e da Asociación de Recreación Histórica Castrexa LUGDUNUM.
Moitas grazas a Livia, Manel, Juan e Nacho, encantounos a vosa visita!!
A visita ao C.P.I. Cruz do Sar
Fixemos unha visita ao C.P.I. Cruz do Sar, que é o centro ao que van os nosos/as alumnos/as tras deixar o Colexio Rural Agrupado de Bergondo.
Percorremos as instalacións e participamos en todas as actividades previstas.
Vimos as curtas que fixeron os nenos e nenas de 4º de Educación Primaria e por suposto, encantáronnos!!
Visitamos a nova biblioteca do Cruz do Sar e amosamos os traballos feitos co noso proxecto : "Unha viaxe ao pasado".
Unímonos así ao tema deste curso no CPI : "E ti de quen ves sendo?", explicando todo o que aprendemos ao longo deste curso sobre a Prehistoria e os Castrexos.
Podedes ver o libro do proxecto anual, elaborado dende a Biblioteca do C.R.A. de Bergondo, picando na imaxe:
No polideportivo do Cruz do Sar, fixemos uns xogos moi divertidos:
Tras tantas emocións, no comedor invitáronnos a repoñer forzas :
E, como remate final, cantamos e bailamos para agradecer ao C.P.I. Cruz do Sar unha xornada tan emocionante:
Suscribirse a:
Entradas (Atom)