Conto de Samaín

Érase unha vez unha cabaza que non sabía asustar... Non pasaría nada calquera outra noite do ano...pero estamos na noite de Samaín e ten que ASUSTAR.

¿Como o fará?  ¿Queredes sabelo?

Escoitade con atención o noso conto, estupendamente narrado polas nenas e nenos do CRA de Bergondo.

Traballamos a comprensión do conto e unhas adiviñas na PDI : 

E vede que debuxos tan fantásticos das persoaxes do conto :

¡Celebramos o Magosto!

Hoxe tivemos un día cheo de emocións coa celebración do Magosto. 

Primeiro fomos á Senra a ver o espectáculo "Unha de contos" do grupo Matapiollos, despois fixemos unha visita ao CPI Cruz do Sar para ver a súa exposición de cabazas de Samaín. A esas horas xa había fame e nada mellor ca unha boa castañada. Na casa dos artesáns de Santa Marta agasalláronnos cunhas castañas asadas na lareira ¡¡todo un luxo!! 

No vídeo podedes ver o ben que o pasamos no Magosto :

Unha boa convivencia

Desde o Observatorio da Convivencia Escolar queremos lembrar a importancia das boas maneiras para a nosa convivencia no día a día. Na clase dos triángulos de Guísamo, os nenos e nenas representaron as situacións que nos propón o conto que serviu como base deste traballo sobre o bo comportamento.

Para ver o Glogster a pantalla completa non tedes máis ca clicar arriba á dereita.

Pepón e o Samaín

Coma nós, o dragón Pepón tamén se está a preparar para o Samaín. Un simpático morcego, a incrible maxia do mago Gago e unha fermosa cabaza que lle trae o seu avó, son os ingredentes dun conto que nos achega á celebración do Samaín.

Materiais para as familias : xogos coa "R" suave

Coma moit@s observades, hai nen@s aos que lle costa pronunciar o son "r" suave ou ben o cambian por outro coma "d" ou "l". 
Se queredes xogar na casa, elaborei con esa finalidade unha oca fonética e máis un memori con imaxes de palabras que conteñen este son.

As palabras da oca fonética son : 

noria, araña, canguro, caracol, caramelo, cocinero, corona, erizo, escalera, faro, gorila, jirafa, loro, lámpara, mariposa, naranja, pájaro, palmera, papelera, paraguas, pera, pirata, semáforo, tijeras.

Memori :

¡Castañas!

Hoxe, na escola de Silvoso, tivemos un ratiño para falar das castañas. Comparamos as "nosas" castañas coas castañas de indias e observamos en que se diferencian. Ademáis, coma estamos a recitar a leria da castaña e a araña, veunos moi ben para aprender máis deste froito de outono tan importante e  saboroso.

Falamos do outono

Estamos no outono e falamos das cousiñas que máis nos gusta facer nesta época do ano. As árbores regálannos as súas follas e nós sabemos ben que facer con elas...

Pero o outono tamén nos da os seus froitos ...

Chegan as chuvias , e gústanos ...

Prestar moita atención e desfrutar do son que fan as follas cando as pisamos ...

Esto non podía faltar no "top ten" das cousas máis divertidas para facer nos paseos otoñais ...

E cando voltamos á casa tras recoller unha morea de fermosas follas, podemos ...

Se pinchades na imaxe do elefante podedes atopar máis ideas sobre manualidades con follas.

Ademáis, estamos a aprender unhas lerias e poemiñas de outono e no vídeo podedes escoitar o ben que nos sae.

Carmiña e Kiriko

O dragón Pepón contounos coma foi o seu primeiro día de escola e enseñounos unha canción cuns protagonistas moi cantareiros : a galiña Carmiña e o galo Kiriko.

Traballamos o aspecto fonético-fonolóxico articulando o fonema /k/ e identificando palabras que o conteñen: